Bevar mørket – Slå av lyset og nyt natta på fjellet!
Hyttebygging fører med seg lysforureining, og det er eit aukande problem over heile landet. I Sjodalen, ved Besseggen, tek Bessheim Fjellstue no grep.
Annonsørar: Hageland Gjennestad Sporten Beitostølen Beitostølen Helsesportsenter og Montér Kvismo 
Dei har bestemt at utelysa skal slåast av om natta, òg på campingplassen deira.
– Av tryggleiksomsyn vil nokre få lyspunkt framleis lyse nattestid på fjellstua, fortel Bjørn Ekerbakke til nettavisa Langsvegen.no.
Fleire hytteeigarar i Vågå og Sjodalen følgjer etter, og mange har bytt til sensorstyrt lys som berre slår seg på når det trengst. Det gir meir naturoppleving og mindre forstyrring for dyr og folk.
Utelys som står på heile natta, er unødvendig på fjellet, anten du er der eller ikkje. Mange hytter har belysning som kunne passa på ein kongsgard, men er det eigentleg naudsynt? I staden for å lyse opp heile fjellheimen, er det betre å la mørket senke seg og gi plass til den ekte fjellstemninga. Fjellturistar kjem ikkje for å sjå opplyste hyttefelt – dei kjem for å oppleve stilla, stjernehimmelen og det naturlege nattemørket.
For mykje lys forstyrrar òg dyrelivet, påverkar søvnrytmen vår og fører til unødvendig energibruk. Statens vegvesen tilrår skjerma belysning, dimming om natta og maks 3000 kelvin på lyset for å redusere himmelglød. Sensorar er ei enkel løysing for å ha lys når det trengst – og mørke når det ikkje gjer det.
Vil du lære meir om korleis du kan bidra til å bevara mørket? Besøk Bevar Mørket for gode råd og rettleiing.
Så neste gong du er på hytta, eller når du dreg derifrå – slå av utelyset! La fjellet vere mørkt, slik det er meint å vere, og nyt den ekte fjellstemninga med ei stjerneklar himmel og ro i sjela.
