Valdres har gjennom åra fostra mange dyktige idrettsprofilar. Dei har vorte lagde merke til både nasjonalt og internasjonalt.
Biletet over: Friidrettsutøvar Ingrid Johanne Solheim, Fagernes IL.
Blant desse skin Inger Helene Nybråten klart som den største, med dei imponerande prestasjonane sine i langrennssporet. Men Valdres har òg levert sterke utøvarar på friidrettsbanen, kor fleire har gjort seg merka på nasjonalt plan.
No ser det ut til at ei ny stjerne er i ferd med å stiga på idrettshimmelen i Valdres. Ingrid Johanne Solheim (18) frå Vestre Slidre har hatt ein fenomenal framgang i friidretten. Konkurrerande for Fagernes IL, har ho i år teke eit friår for å satsa fullt og heilt på idretten. Med ei klar målsetjing og eit brennande ønske om å nå toppen, har Ingrid Johanne sørgt for å få den beste hjelpa ho kan få – ho har fått med seg friidrettslegenda Kåre Strande som trenar.
Strande, som har lang erfaring og ei rekkje suksessar bak seg, har stor tru på Ingrid Johanne. Han beskriv henne som ein seriøs og målretta utøvar som har alle føresetnader for å lykkast. -Eg driv ikkje med SFO, men ønskjer verkeleg å støtta opp under, og vil hjelpa utøvarar som tør og vil følgja drømmenene sine om å bli gode, fortel han under treningsøkta på Blåbærmyra i Fagernes.
Med det sterke støtteapparatet, ein dedikert trenar, og dei ubestridelege talenta hennar, ser framtida svært lys ut for Ingrid Johanne Solheim. Reisa hennar mot toppen vil utan tvil bli spennande å følgja, og det er store forventningar til ho ein dag kan skriva seg inn i historia som ein av Valdres’ store idrettsheltar.
Ingrid Johanne har allereie vist at ho har det som skal til å konkurrera på høgt nivå, og med Kåre Strande som trenar er det ingen tvil om at ho er i gode hender.
For alle som ønskjer å følgja utviklinga og prestasjonane hennar, kan dette gjerast gjennom oppdateringar på World Athletics her.
Er du stolt av eller liker Valdres? Kjøp eller les mere om Valdresrosa her: 
